គំនូររឿង រាមកេរ្តិ៍​

ដោយ​​ ឯក​ ច័ន្ទដារ៉ារីទ្ធ

ព្រះវិហារព្រះកែវមរកតដែលស្ថិតនៅក្នុងព្រះបរមរាជវាំងត្រូវបានសាងសង់ឡើងក្នុងរាជ្ជកាលព្រះនរោត្តម។

សម្តេចសង្ឃរាជ ទៀង ដែលបានទទួលយល់ព្រមសំណើរពីព្រះនរោត្តម ព្រះអង្គជាអ្នកត្រួតពិនិត្យផ្ទាល់ការដ្ឋាននេះពីឆ្នាំ១៨៩២-១៩០២។

វត្តព្រះកែវនេះបានសម្ភោធនៅថ្ងៃព្រហស្បត៍ទី៥កុម្ភៈឆ្នាំ១៩០៣។វិហារមានក្រាលសន្លឹកបន្ទះប្រាក់សុទ្ធចំនួន ៥៣២៩ បន្ទះ ដែលបន្ទះនិមួយៗមានទម្ងន់១,១២៥ គីឡូក្រាម។មានព្រះពុទ្ធរូបធ្វើពីមាសសុទ្ធមានទម្ងន់៧៥ គីឡូក្រាម ដាក់តម្កល់ទុកនៅលើទម្រដែលធ្វើពីមាសសុទ្ធមានទម្ងន់១៥ គីឡូក្រាម​ ដាក់តម្កល់ក្នុងទូរកញ្ចក់។

បើតាមឯកសារ​ អ្នកឧុកញ៉ា វាំង ជួន បានបញ្ចាក់ថា នៅប៉ែកខាងក្រៅមានថែវដែលមានបណ្តោយពី ១៥០ ទៅ ១៧០ ម៉ែត ។

ផ្ទាំងគំនូរគឺគូររឿង រាមកេរ្តិ៍ គូរផ្ទាល់លើជញ្ជាំង

គូរដោយ វិចិត្រករ ឧកញ៉ា ទេព និម្មិត តក់

គូរពីឆ្នាំ ១៩០៣-១៩០៤

កំពស់ ២,៥០ ម៉ែត

បណ្តោយ ៦១៦ ម៉ែត 

ក្រឡាផ្ទៃ ២០០០ ម៉ែតការ៉េ

ផ្ផ្ទាំងគំនូរគឺជាផ្ទាំងគំនូរដ៏ធំនិងវែងជាងគេបង្អស់នៅអាស៊ីអាគ្នេយ៍។

ផ្ទាំងគំនូរនេះបានត្រូវ អ្នកឧុកញ៉ា វាំង ជួន រដ្ឋមន្រ្តីទី១ បានសរសេរផ្ទាល់ដៃតាំងពីទ្វាមុខរៀងទៅខាងត្បូងនៅឆ្នាំ១៩០៣។

ឧុកញ៉ា វាំង ជួន ជាបញ្ញវន្តខ្មែរមួយរូបបានកត់ត្រាធ្វើកំណត់ជាច្រើននៅសម័យអាណាព្យាបាលបរាំង។សម្តេច វាំង ជួន បានបំរើរាជការខ្មែរ ក្នុងរជ្ជកាលព្រះមហាក្សត្រខ្មែរបី

រាជ្យគឺ៖ព្រះនរោត្តម ព្រះបាទ ស៊ីសុវត្ថិ ព្រះបាទ ស៊ីសុវត្ថិមុនីវង្ស។ សម្តេច វាំង ជួន បានដង្ហែរ ព្រះបាទស៊ីសុវត្តិក្នុងពេលទស្សនកិច្ចជាផ្លូវការនៅស្រុកបារាំងនៅឆ្នាំ១៩០៦។

សម្តេច វាំង ជួន កើតនៅកំពង់ឆ្នាំង ឆ្នាំ១៨៦៤ និងអនិច្ចកម្មឆ្នាំ១៩៤៦ ក្នុងជន្មាយុ ៨២ ឆ្នាំ ។ ស្នាដៃដែលមិនអាចបំផ្លិចបានរបស់សម្តេច វាំង ជួន នោះគឺ៖

-DANSES CAMBODGIENNE  (១៩៣០)

-រឿងគំនូរ រាមកេរ្តិ៍ លើថែវវិហារវត្តឧបោសថារាម ព្រះកែវមរកត(១៩០៣)។


សូមចូលអានរឿង រាមកេរ្តិ៍​   នគរព្វយុុធ្យា
ត្រឡប់ទៅ មាតិការ